Aberta a convocatoria da 8ª edición de ViaGalicia ata o 10 de decembro

• A convocatoria da 8ª edición estará aberta ata o 10 de decembro ás 13:00 h
• Esta aceleradora acolle todo tipo de iniciativas emprendedoras en calquera das fases na que se atope

ViaGalicia, a aceleradora de empresas e persoas emprendedoras que promoven a Zona Franca de Vigo e a Xunta de Galicia, abre a convocatoria da 8ª edición ata o 10 de decembro de 2024 ás 13:00 horas.

Trátase dunha aceleradora de carácter xeralista para proxectos innovadores de calquera sector produtivo, cun programa conducido por un equipo de expertos, que combina formación, mentoring e financiación.

En ViaGalicia acollen todo tipo de iniciativas emprendedoras en calquera das súas fases. Se tes un proxecto innovador, invertible, acelerable e relevante, aquí tes o teu sitio.

Para consultar as bases e facer a inscrición, consulta a web www.viagalicia.gal