Oficina virtual
- O vicepresidente primeiro e conselleiro de Economía, Industria e Innovación, Francisco Conde, mantivo unha reunión co representante da multinacional estadounidense, que abrirá proximamente unha oficina e un laboratorio na Sionlla Biotech.
O vicepresidente primeiro e conselleiro de Economía, Industria e Innovación, Francisco Conde, mantivo esta semana unha reunión de traballo co representante en Galicia da multinacional estadounidense Zinpro, Arturo Gómez, para avaliar os plans de futuro desta compañía na Comunidade.
Zinpro vénse de unir ao proxecto da Sionlla Biotech -en Santiago de Compostela- a través da próxima apertura dunha oficina e un laboratorio que se destinará á fermentación artificial para obter novos produtos para rumiantes.
O Goberno galego valorou a oportunidade que supón a implantación desta multinacional en Galicia, xa que sería interesante sumar a súa experiencia ao ecosistema galego de I+D contando, ademais, con que a Comunidade é un referente tanto no sector gandeiro como no que a industria alimentaria se refire posibilitando, deste xeito, posibles sinerxías.
