Oficina virtual
O vicepresidente primeiro e conselleiro de Economía, Industria e Innovación, Francisco Conde, avogou por seguir tendendo a man aos axentes sociais e económicos para seguir sendo competitivos a nivel enerxético. Conde participou na apertura do encontro A enerxía, factor determinante na competitividade industrial, organizado por UGT FICA Galicia e a Fundación Anastasio de Gracia.
Na súa intervención o vicepresidente económico asegurou que Galicia estase preparando -no eido do diálogo social e co fomento da colaboración público-privada- para os desafíos da transición enerxética co obxectivo de aproveitar esta oportunidade. Así, informou dos proxectos que se están desenvolvendo no eido do hidróxeno verde, da mobilidade sustentable, a economía circular ou a eólica. Destacou tamén a futura Lei de promoción dos beneficios sociais e económicos dos proxectos que utilizan os recursos naturais de Galicia como garante do impacto positivo destes proxectos na sociedade.
