Lorenzana mantén un encontro co Grupo Alvariño para coñecer os proxectos nos que traballa

Mércores, 30 Agosto 2023 13:44

A conselleira de Economía, Industria e Innovación, María Jesús Lorenzana, mantivo unha reunión esta mañá en Vigo con representantes do Grupo Alvariño para coñecer de primeira man os proxectos nos que está a traballar en eidos relacionados coas novas tecnoloxías, a mobilidade ou as enerxías renovables.

No encontro, a conselleira trasladou o labor que a Xunta está a facer para que Galicia conte cun tecido empresarial cada vez máis competitivo e a decidida aposta que se está realizando por ofrecer unha maior axilidade administrativa para que os proxectos empresariais saian adiante.

O Grupo Alvariño é unha empresa familiar de terceira xeración inicialmente dedicada ao sector da automoción que nos últimos anos está realizando un importante esforzo por diversificar a súa actividade cara a outros ámbitos como as TIC ou as enerxías renovables. 

 
  • Lorenzana remarca a necesidade de xerar confianza ás empresas para axudarlles a crecer e a investir
    Ler máis
  • Lorenzana reúnese con representantes de Efitransa e Kässbohrer para coñecer o seu novo proxecto industrial de fabricación de vehículos especiais de transporte no Porriño
    Ler máis
  • Lorenzana anima as empresas a non frear ante a incerteza e a seguir innovando e abríndose a novos mercados
    Ler máis