A Xunta e a Confederación de Empresarios de Lugo colaboran na posta en marcha de dous puntos de asesoramento a pemes en Ribadeo e Monforte de Lemos

Luns, 28 Marzo 2022 10:28
  • O vicepresidente segundo e conselleiro de Economía, Empresa e Innovación, Francisco Conde, participou esta mañá en Lugo na presentación deste proxecto, Conecta Lugo
  • Avanzou a publicación da nova convocatoria de IFI Innova, coa que se prevé mobilizar 4 M€ en apoios a proxectos de innovación que desenvolvan empresas de calquera sector de actividade

O vicepresidente económico e conselleiro de Economía, Empresa e Innovación, Francisco Conde, participou esta mañá na presentación da iniciativa Conecta Lugo, que a Xunta desenvolve en colaboración coa Confederación de Empresarios desta provincia (CEL), e a través da que se abrirán dous puntos de información en Ribadeo e Monforte de Lemos para achegar asesoramento a un maior número de pemes.

Conde agradeceu á CEL a súa disposición a cooperar e insistiu na importancia da colaboración público-privada para impulsar a competitividade empresarial. Neste sentido, as novas oficinas ofrecerán axuda ás pemes, especialmente en todo o que atinxe á innovación, co foco posto naquelas con potencial pero que aínda non deron o paso. Tamén se desenvolverán actividades divulgativas, visitas a empresas e foros sectoriais para difundir entre o tecido empresarial da provincia a cultura da innovación, os apoios dispoñibles e a importancia de emprender este camiño.

  • O Igape presenta en Lalín o seu novo paquete de axudas con 172 M€ para innovación, financiamento e competitividade
    Ler máis
  • A Xunta avoga por fomentar a diversificación do sector industrial en Galicia para reducir a dependencia do exterior
    Ler máis
  • Lorenzana destaca que as exportacións galegas a Francia representan case o 20 % do total das vendas ao exterior
    Ler máis