A Xunta renova o convenio con Micro Bank para crear unha liña de financiamento para emprendedores galegos retornados

• Este convenio ten por obxecto definir o marco da colaboración entre o Instituto Galego de Promoción Económica, a Secretaria Xeral de Emigración e Micro Bank
• O Igape comprométese a difundir esta liña de financiamento e estudar a viabilidade dos plans de empresa recibidos

O acordo busca potenciar o autoemprego e incentivar a actividade emprendedora favorecendo a igualdade de oportunidades de homes e mulleres. Ademais de financiar o establecemento, consolidación ou ampliación de microempresas, negocios de autónomos e proxectos de autoemprego co obxectivo de contribuír ao desenvolvemento do tecido produtivo, a creación e consolidación de emprego e a contribución ao progreso social.

Os interesados poden solicitar o informe de viabilidade do seu plan de empresa a través da aplicación establecida e o financiamento MicroBank para retornados nunha oficina de Caixabank en Galicia.

Deste xeito a Secretaría Xeral de Emigración da Xunta de Galicia, a través do programa retorna, o Instituto Galego de Promoción económica e Nuevo Micro Bank acordan establecer unha liña específica para emigrantes galegos retornados que queiran emprender.