Lorenzana preside a toma de posesión do novo secretario xeral de Industria e Desenvolvemento Enerxético, Isaac Rosón

Martes, 03 Novembro 2026 17:02

Santiago de Compostela, 3 de novembro de 2026

A conselleira de Economía e Industria, María Jesús Lorenzana, presidiu hoxe a toma de posesión do novo secretario xeral de Industria e Desenvolvemento Enerxético, Isaac Rosón, que releva no cargo a Nicolás Vázquez, actual conselleiro de Medio Ambiente e Cambio Climático.

Rosón era ata agora o director xeral de Pesca, Acuicultura e Innovación Tecnolóxica na Consellería do Mar, un posto que pasou a ocupar logo de exercer como director da Área de Innovación Empresarial do Instituto Galego de Promoción Económica (Igape).

Licenciado en Enxeñería Naval e Oceánica pola Universidade da Coruña, ocupou distintos cargos nos departamentos de Seguridade e Inspección Marítima das Capitanías Marítimas de Alacante e Barcelona. A súa traxectoria profesional tamén estivo vinculada á docencia universitaria como profesor asociado na Facultade de Náutica barcelonesa. Así mesmo, conta con experiencia no eido privado, onde desenvolveu traballos relacionados co deseño naval en distintas empresas do sector.

  • Lorenzana remarca a necesidade de xerar confianza ás empresas para axudarlles a crecer e a investir
    Ler máis
  • Lorenzana reúnese con representantes de Efitransa e Kässbohrer para coñecer o seu novo proxecto industrial de fabricación de vehículos especiais de transporte no Porriño
    Ler máis
  • Lorenzana anima as empresas a non frear ante a incerteza e a seguir innovando e abríndose a novos mercados
    Ler máis